قصة لا تنظر حولك انهم ف كل مكان كاملة

قصة لا تنظر حولك انهم ف كل مكان كاملة  اقتحمت مكان مش مكانك تستاهل العواقب
• انا هاني خليل ودي قصتي مع الجزيره
• كنت في شغل برا مصر في أمريكا
• ومن طبيعه شغلي اني بوصل الطلبات للأماكن
• مهما كانت وفي أي مكان وفي أي وقت
• كنت ممتاز في شغلي وليا أصدقاء فيه
• وفي يوم انطلب مني اوصل أوردر غريب لمكان
• روحت المكان الساعه 11 بليل
• المكان كان في ولايه كاليفورنيا
• وصلت للمكان دا كان عباره عن بيت قديم
• وشكله محدش بيقعد فيه اساسا لانه تحس انه مهجور
• خبطت على الباب فتحلي راجل عجوز سألته عن صاحب الاوردر وقالي انا الي طالب الاوردر
• اديتهوله وكنت ماشي وراجع الشغل
• قالي ايه رايك تقضي يوم كامل في جو حلو وبعيد عن دوشه الشغل والناس
• قولتله انا بقالي كتير بطلب اجازه عشان اغير جو ومكنش في فايده
• بس شكرا لتعب سيادتك واهتمامك بيا وبعد ازنك
• قالي طب والي يجبلك الاجازه تيجي معايا تغير جو
• قولتله صراحه يا فاندم انا معرفكش اساسا عشان اخرج اغير جو معاك
• وكمان صعب جدا تجيبلي اجازه لان عندنا ضغط شغل
• لقيته قالي طب استني وانتا ها تشوف
• لقيته رفع سماعه التليفون وكلم المدير بتاعي وفضل يقولو كلام كدا وبعد كدا قفل
• وقالي انتا اخدت اجازه يومين روح امضي على طلب الاجازه وانا ها استناك في منطقه كذا الصبح
• روحت على الشغل ولقيت صح طلب الاجازه اتعمل ومستني امضتي
• مكنتش مصدق الي بيحصل بس فرحت اني ها اخد اجازه بعد شغل طويل ومجهد
• تاني يوم الصبح روحت للشخص دا المكان الي قالي عليه
• لقيته مستني بالعربيه بتاعته مع ان بيته ميوحيش لكدا اساسا كأنه فقير جدا
• المهم ركبت معاه وقولتله ها توديني فين اغير جو
• قالي جزيره جميله جدا ها تعجبك اووي
• قولتله جزيره ايه بالظبط وبعدين دي اكيد مليانه حشرات وحيوانات مفترسه
• ممكن تودينا شاطئ افضل من الجزيره
• قالي الجزيره افضل بكتير اوووي ها تعرف تعيشك لحظات عمرك ما ها تنساها
• قولتله تمام ماشي لما نشوف الموضوع دا
• وروحت معاه للجزيره دي
• الجزيره كانت يعتبر وسط البحر
• بنعدي على مركب صغيره وبنبقي جواها
• وكان فيها بيت ضخم بس مهجور ومتحطم
• قولتله هيا الجزيره دي مفيش حد فيها او عايش هنا
• قالي لا دي مهجوره من سنين كتير
• وكان في شائعات بتقول ان الجزيره دي مسكونه بالشياطين واشرس الحيوانات وانا مبصدقش الكلام دا
• قولتله وانتا جايبني هنا عشان اثبتلك ان مفيهاش حاجا ولا ايه بالظبط
• قالي اكيد لا كدا كدا انا كنت عاوز اغير جو وملقتش غير الجزيره دي المناسبه لتغيير الجو
• وكويس انك معايا عشان نغير جو مع بعض وتونسني
• انا سمعت كلامه وخوفت جدا انا مليش دعوه بالجنان دا انا في حالي ديما
• ودخلنا جوا الجزيره وفيها أصوات غريبه وصوت عصافير مستمره وحاجا تخوف
• نصبنا الخيمه بتاعتنا وقالي ها نفضل هنا نلف لفتنا في الجزيره ونرجع تاني
• قولتله ها نلف فين هوا احنا نعرف حاجا في الجزيره
• وبعدين الجزيره ممكن تكون بتاعت حد او موجود فيها حد احنا منعرفوش
• قالي متخفش المكان دا امان وبعدين مفيش حد ولا حاجا حصلت من اول ما دخلنا
• سابني ومشي وانا في الخيمه طلعت ادور عليه اختفى ملوش أثر
• فضلت امشي وانا حاسس في حد فوق الشجر ابص ملقيش حد
• فضلت مكمل لحد ما وصلت لكهف ضالمه جدا وهادي نهائيا انا افتكرت انه موجود فيه
• دخلت على الكهف لقيته ناااار وفي حواليا أصوات ناس كأني في مكان زحمه اوووي
• وبعد كدا مره وحده لقيت حد كتفني جامد اووي مكنتش قادر اتحرك من تكتفته
• ومره واحده لقيت المكان كله نور وشوفت منظر شيبني
• شياطين كتيرر اوووي وكلها عماله تبصلي وتضحك
• ومره وحده لقيت الي مكتفني بيخنق فيا انا كنت ها اموت خلاص بطلع في روحي
• لقيته سابني ومسك رجلي وطلعني برا الكهف الي انا فيه
• وكان واقف قصادي انا شايفه بوضوح دا شيطان
• اكيد دا مش جن عادي دا اكيد شيطان كبير أو زعيم الجن في المكان دا
• اترعبت من منظره وقولتله انتا عاوز ايه
• قالي انا عاوزك انتا والي معاك تخرجو من هنا
• دا مكانا ودي جزيرتنا وكل حاجا فيها بتاعتنا
• وانتا قاعد هنا بدون اذننا يبقى لازم تتعاقب
• ومسك أيدي وراح شاددها جامد راح دراعى مكسور
• انا اتكتفت ومبقتش قادر استحمل الوجع وفضلت اصرخ وهوا والي معاه يضحكو اكتر
• بعد كدا راح رميني جوا الكهف وسابني ومشي هوا والي معاه
• ببص عليهم لقيتهم اختفوا وملهومش أثر في المكان كله
• قومت وانا ماسك دراعى وعمال انادي على الي كان معايا ومكنش بيرد
• واول ما وصلت للمكان الي كنا احنا فيه فضلت قاعد ومش عارف اعمل ايه
• ومره وحده لقيته ظهر قصادي وبيقولي كنت فين كنت بدور عليك
• قولتله المكان دا ملعون والي بيكون فيه لازم يموت يالا نمشي من هنا بسرعه
• قالي طب قوم نمشي من المكان دا بس المشكله ان المخرج أصعب من المدخل
• لان المدخل كان من البحر واحنا ها نخرج من البر لان في تعابين سامه على طريق الخروج
• قولتله طيب يالا بسرعه عشان ممكن نموت هنا ومنعرفش نخرج من المكان دا للأبد
• قالي يالا
. واحنا اتحركنا ومشينا واحنا ماشيين شايفين على الشجر تعابين سامه
• ودخلنا طريق غريب اووي الشجر قافل على بعضه والطريق ضالمه
• وعاملين نسمع ضحك ناس ورجليهم ماشيه ورانا وجنبنا بس بعيد شويه عننا
• ومره وحده وقعت في حفره كبيره اووي
• صرخت واتفزعت وقعدت اقول ايه دا ايه دا ايه دا انا فين
• لقيت الراجل الي معايا نور الكشاف لقيتني في حفره مليانه جثث
• كل المكان عضم وجثث ميته من زمان وباين انهم حاولو الخروج بس معرفوش وماتو هنا
• حاولت اطلع بس معرفتش بسبب دراعى
• الراجل الي معايا فضل يحاول يطلعني لحد ما طلعت من الحفره
• وقولتله يالا نمشي بسرعه عشان انا مش مرتاح
• سمعين ناس بتمشي ورانا بس مش شايفنها وسامعين ضحك وكلام بس مش فاهمين بييجي منين
• لقيته بيبص قولتله متبصش حواليك هما في كل مكان
• قالي مين دول
• قولتله الشياطين الي كسرت دراعى يالا نمشي ومنبصش على اي حاجا مهما حصل يالا
• لقينا طريق صغير يادوب يعدي انسان واحد بالعافيه
• قولتله عدي انتا وانا ها اعدي بعديك
• قالي انتا دراعك مكسور وانتا أولى مني في الخروج يالا اطلع
• وافقت وطلعت انا ومشيت في الطريق الصغير ووصلت للآخر ونورت الكشاف للراجل
• بصيت لقيت وراه الشيطان الي كسر دراعى ولقيته باصصلي وبيضحك وراح ماسك رجلين الراحل وسحبه في الضالمه
• سمعت الراجل وهوا عمال يصرخ جامد اوووي وبعد كدا مسمعتش صوت
• قعدت اعيط وقولت انا كدا ها اموت
. بس لازم اروح اشوفو ممكن يكون عايش
• ورجعت بهدوء لأول الطريق عشان اشوفو وبدور عليه لقيته قصادي بس على الأرض
• جسمه كله متقطع ومفيش حته متوصله في جسمه
• وكان جسمه متوزع في المكان كأن الشياطين اتجمعو عليه وقطعوه كل واحد اخذ جزء منه
• بصيت لقيت الشيطان ظهرلي
• طلعت اجري على الطريق الديق ودخلت فيه وانا مش ياصص ورايا بس سامع حد بيجري ورايا جامد ومش شخص دول كتير اووي
• وصلت لآخر المكان لقيت طريق بيودي للمنطقه التانيه بتاعت المدينه
• عرفت اني خلاص قربت اوصل لباب الخروج
• ولما قربت من المكان لقيت الشياطين كلهم قصادي
• والزعيم بتاعهم قالي مش ها تخرج من المكان دا حي
• طلعت اجري منه وعمال أقرب على باب الخروج لقيت الشيطان قرب جدا عليا وخبطني في دراعى فا اتقطع
• شوفت دراعى مرمى على الأرض قصادي والدم في كل حته في المكان
• قعدت اصرخ واقرب اكتر لباب الخروج واقرب لحد ما وصلت للباب
• ولقيت حد جاي على المكان روحت ناديت عليه وبعد كدا وقعت واغمي عليا
• صحيت في المستشفى معايا دكاتره وظابط جاي يعرف سبب الي حصلي
• لقيت الدكتور بيقول دا مش تعدي من انسان دا من شئ تاني حيوان او قوه خارقه للطبيعه
• كنت انا فوقت وسألوني وقولتلهم علي كل حاجا
• لقيت الظابط قرب عليا وقالي انتا ازاي جالك قلب تدخل الجزيره الملعونه دي
• قولتله مش انا الي دخلت بنفسي دا واحد اخدني وقالي ها اغير جو في مكان حلو
• ودي كانت النتيجه اني خسرت دراعى وشوفت الي عمري ما ها اشوفو
• لقيته هداني وقفل المحضر وسابني ومشي
• الدكتور كتبلي على طلب للخروج وقالي متقربش من اي حاجه متعرفهاش ومتسمعش كلام اي حد
• سمعت كلامه وخرجت من المستشفى وانا شايف كل حاجا قصاد عيني كأني لسا في الجزيره
• وخلصت قصتي ومات الشخص الفضولي الي اخدتي معاه الجزيره
• وانا اتقطع دراعي ونجيت بروحي
• وتعلمت درس اني مسمعش كلام اي حد وممشيش ورا مخيلاته المريضه

تمت